අැත්තටම එදා මොකද වුණේ, බ්‍රිගේඩියර් ප්‍රියංක හෙලිකරයි

රටම උණුසම් කරපු සිදුවීමක් පසුගියදා බ්‍රිතාන්‍යයේදී සිදුවුණා. ඒකට මුල් වෙච්ච බ්‍රිගේඩියර් ප්‍රියංක ප්‍රනාන්දු ගැන තාමන් ලංකාවේ අය කතා වෙනවා. එ්කට හේතුව බ්‍රිතාන්‍යයේ කොටි හිතවාදීන්ට එඩිතරව මුහුණ දුන්න ඔහු වීර ශ්‍රී ලාංකිකයෙක් නිසා. මොහු උද්ඝෝෂණයේ නිරත වූ කොටි හිතවාදීන්ට අතින් ගෙල සිඳ දමන ආකාරය පෙන්වූවා. එම හේතුව නිසා ඔහුගේ සේවය අත්හිටුවීමට විදේශ කටයුතු අමාත්‍යාංශය පියවර ගැනුණා. නමුත් ඉන් පසුව ජනාධිපති මෛත්‍රීපාල සිරිසේන මහතා විසින් බ්‍රිගේඩියර් ප්‍රියංක ප්‍රනාන්දුව නැවතත් සේවයේ පිහිටුවා තිබුණා. එදා බ්‍රිගේඩියර්වරයා සංඥාවලින් අදහස් කරේ මොකක්ද කියන එක හැමෝටම ප්‍රශ්නයක් වුණා. අැත්තටම එදා වුණේ මොකක්ද කියලා බ්‍රිගේඩියර් ප්‍රියංක ප්‍රනාන්දු පුවත්පතක් සමඟ කියලා තිබ්බේ මේ විදියට.

“බ්‍රිතාන්‍යයේ ශ්‍රී ලංකා මහ කොමසාරිස් කාර්යාලයේ ආරාධනාව මත නිදහස් සැමරුම් උළෙලට සිංහල, දෙමළ, මුස්ලිම් දෙසිය පනහක් විතර සහභාගි වෙලා හිටියා. මම කල්තියාම බුද්ධි තොරතුරුවලින් දැනුම් දුන්නා එල්ටීටීඊ හිතවාදීන් විරෝධතාවකට සූදානම් වනවා කියලා. ඒ අනුව තානාපති ‍පොලිසිය ආරක්ෂාව සපයා තිබුණා.

අපි නිදහස් උත්සවේ ඉවර වුණාට පස්සේ උද්ඝෝෂකයෝ ඉන්න නිසා ඇතුළේ හිටපු ද්‍රවිඩ ජාතිකයන්ගේ ආරක්ෂාව ගැන වැඩි අවධානයක් යොමු කළා. ඒ අය ආරක්ෂාව ගැන බලා ගන්න කියලා මගෙන් ඉල්ලුවා. එළියට යන්න බයෙන් ඉද්දී මම එයාලාට පසුපස දොරෙන් එළියට යන්න සැලැස්සුවා. සිංහල කොල්ලෝ මුන්ට බය වෙන්නේ මොකටද කියලා ඉස්සරහා ගේට්ටුවෙන් එළියට ගියා. මෙතැන ජාතිවාදයක් නැහැ. ශ්‍රී ලංකාවේ නිදහස සමරන්නේ කියලා මම උද්ඝෝෂකයන්ට කියලා ජනාධිපතිතුමා දෙමළ භාෂාවෙන් එවූ නිදහස් දින පණිවුඩය උද්ඝෝෂකයන්ට දුන්නා. උද්ඝෝෂකයන් අතරේ හිටපු නායකයෙක් ඒවා උදුරලා ගිනි තියද්දී බ්‍රිතාන්‍ය තානාපති ‍පොලිසිය ගිනි තියපු කෙනාව අත්අඩංගුවට ගත්තා. ඒ සමග කලබල වුණු උද්ඝෝෂකයන් මහ කොමසාරිස් කාර්යාලය ළඟටම දුවගෙන ආවා.

උත්සවයට ආපු සියලුම ශ්‍රී ලාංකිකයන්ගේ ආරක්ෂාව මගේ අතේ තිබුණේ. නිල ඇඳුමක් ඇඳගෙන මට ඒ අයට බාධාවක් වෙන්න දෙන්න බැහැ. ප්‍රභාකරන් අවර් හීරෝ කියලා කෑගහන කොටි හිතවාදීන්ට සියල්ල අවසානයි කියලා තමයි මම හැඟෙව්වේ.

තමිල් ඊළාම් අවර් ලෑන්ඩ් කියලා කෑගහද්දී දීස් ඉස් යුවර් ලෑන්ඩ් කියලා සියලු දෙනාටම පේන්න තමයි මම ශ්‍රී ලංකා ධජය පෙන්නුවේ.

මම ඇඟිල්ලෙන් එකපාරක් පෙන්නපු ඉඟිය කිහිප වතාවක් පෙන්වමින් වීඩියෝවක් හදලා ජාත්‍යන්තරයට මුදාහැර තිබුණේ එල්ටීටීඊ හිතවාදී දෙමළ මාධ්‍ය ආයතන විසින්.නමුත් උතුරේත්, වන්නියේත් වගේම බ්‍රිතාන්‍යයේත් දෙමළ ජනතාව මම එයාලට කොතරම් සේවයක් කළාද කියලා දන්නවා.

මම නිල ඇඳුම මාරුකර උද්ඝෝෂකයන් ළඟට ගිහිල්ලත් කිව්වේ ඔබලා ශ්‍රී ලංකාවට යන්නේවත් නැතිව එකිනෙකා කියන දේවල් ගැන චෝදනා කරන්න එපා. ඔබලා ලංකාවට ගිහින් සහජීවනයට ගෙනයන වැඩපිළිවෙළ බලන්න කියලා කිව්වා. මම ඒ මොහොතේ ශ්‍රී ලාංකිකයකු ලෙස කටයුතු කළ ආකාරය ගැන මම ආඩම්බර වෙනවා.

‘තමාට පෙර රට’ කියලා මම ඉගෙන ගත්ත ඩී.එස්. සේනානායක විද්‍යාලයෙන් ලබාගත් ආදර්ශය මතයි මම හැමදාමත් කටයුතු කරන්නේ.”

3 thoughts on “අැත්තටම එදා මොකද වුණේ, බ්‍රිගේඩියර් ප්‍රියංක හෙලිකරයි

  • February 11, 2018 at 8:31 pm
    Permalink

    Heya! I just wanted to ask if you ever have any issues with hackers?
    My last blog (wordpress) was hacked and I ended up losing a few months of hard work due to no
    backup. Do you have any methods to stop hackers?

    Reply
  • February 11, 2018 at 8:47 pm
    Permalink

    For the reason that the admin of this web page is working, no hesitation very quickly it will be famous, due to its quality contents.

    Reply
  • February 18, 2018 at 2:15 am
    Permalink

    What’s up to all, it’s truly a good for me to pay a quick visit this web page, it includes helpful Information.

    Reply

Leave a Reply

Your email address will not be published.