මෙවර ප්‍රතිඵල වලට බලපෑ කොම්පියුටර් ජිල් මාර්ට් එක

මෙවර පළාත් පාලන මැතිවරණයේ ප්‍රතිඵල නිකුත් කිරීම ප්‍රමාද වීමට ප්‍රධානම හේතුවක් වූයේ මෘදුකාංග පද්ධතිය අනපේක්ෂිත ලෙස ආරම්භයේදීම බිඳවැටීම බව වාර්ථාවෙනවා. මේ පිළිබඳව රාජකාරි කටයුතු භාරව සිටි ප්‍රවීණ මදුකාංග ඉංජිනේරුවකු සඳහන් කළේ පළමු ඡන්ද ප්‍රතිඵලය නිකුත් කිරීමේ සිටම මෙම මෘදුකාංගයේ දෝෂ මතුවූ බවයි.

පෙරේදා (10) රාත්‍රියේ පළමු නිල ඡන්ද ප්‍රතිඵලය ලෙස මුලතිව් දිස්ත්‍රික්කයේ මාන්තෙයි නැගෙනහිර ප්‍රාදේශීය සභාවේ ප්‍රතිඵල නිකුත් කරද්දී මෘදුකාංගයේ දිනය ලෙස සටහන්ව ඇත්තේ 2013.02.06 වශයෙනි. මීට අමතරව පළාත් පාලන ආයතන කිහිපයකම ඡන්ද ප්‍රතිඵලවල දත්ත කැවූ පසු අසාමාන්‍ය ගණනය වෙනස්කම් මතුවූ අතර ඒවා යළි නිවැරදි කිරීමට මැතිවරණ කොමිෂන් සභාවට සිදුවුණා.

මෘදුකාංග පද්ධතිය බිඳවැටීම හේතුවෙන් ඇතැම් දත්ත පරීගණකයට මැනුවල් ක්‍රමයට ඇතුළු කරන්නට සිදුවූ බවද දන්වා තිබෙනවා. මෙලෙස ප්‍රතිඵල නිකුත් කිරීමේ ක්‍රියාවලිය බිඳවැටීම නිසා එහි අවසන් තිරය රූපවාහිනී මාධ්‍ය වෙත යොමු කරන්නට අපේක්ෂා කළ මාධ්‍ය ආයතන පවා අසීරුතාවයට පත්ව තිබුණා. මේ පිළිබඳව විශේෂ නිවේදනයක් නිකුත් කළ මැතිවරණ කොමිෂන් සභාව සිය කනගාටුවද ප්‍රකාශ කළා.

ඡන්ද මධ්‍යස්ථානවලින් ලැබෙන ප්‍රතිඵල අනුව මැතිවරණ ප්‍රතිඵල සක්‍රියව යාවත්කාලීන වීම සඳහා යන්ත්‍රයක් සකසා තිබූ නමුත් සැලසුම් කළ පරීදි අදාළ දන්ත නොලැබීම නිසා මේ තත්ත්වය උද්ගත වී ඇතැයි මැතිවරණ කොමිසමේ නිල වෙබ් අඩවිය නිවේදනයක් නිකුත් කරමින් දන්වා තිබුණා. එම නිසා මැතිවරණ ප්‍රතිඵල ස්වයංක්‍රියව යාවත්කාලීන කළ නොහැකි යැයි ද එම පර්ගණක පද්ධතියෙන් බැහැරව අදාළ ප්‍රතිඵල ලේඛන අතින් සකස් කිරීමට සිදුවූ බව සඳහන් වෙනවා.

පරිගණක තාක්ෂණය ලංකාවෙ විශාල භාවිතයකින් නොමැති කාලයේ පවා පැරණි මෘදුකංග භාවිතයෙන් අපූරුවට නිකුත් කළ මෙම ප්‍රතිඵල හෙළිදරව් කිරීම මෙවර බිඳවැටීමට හේතුව කඩාකප්පල්කාරී ක්‍රියාවක්ද යන්න ගැන තවම වාර්තා නොවන අතර ඒ ගැන පරීක්ෂණ ඉදිරියේදී සිදු කරනු ඇති බවට වාර්තා වනවා.

වසර ගණනාවක් තිස්සේ ප්‍රතිඵල පරිගණක ඔස්සේ ලබාදීමේදී කොළඹ විශ්ව විද්‍යාලයේ දායකත්වය ලබාදුන් නමුත් මෙවර පමණක් එය සිදුකර නොතිබූ බවද වාර්තා වෙනවා. දෝෂ ගැන පැමිණිලි ආපසු එම ආයතනය නිවේදනයකින් ඒ බව දන්වා තිබුණා.

Leave a Reply

Your email address will not be published.