දෝනි නායකත්වයෙන් සමුගනී

ඉන්දීය කණ්ඩායමේ සීමිත පන්දුවාර නායක මහෙන්ද්‍ර සිං දෝනි එම ධුරයෙන් ඉවත්ව තිබෙනවා. ඉන්දීය කණ්ඩායම හා එංගලන්ත කණ්ඩායම අතර පැවැත්වීමට නියමිත එක්දින හා විස්සයි 20 තරගාවලියට පෙරාතුව ඔහු මෙසේ නායකත්වයෙන් සමුගැනීම විශේෂත්වයක්. දෝනි 2014 වසරේදී ටෙස්ට් ක්‍රීඩාවෙන්ද සමුගත්තා.

කෙසේ වෙතත් ඔහු ඉදිරියටත් කඩුලු රකින්නෙකු හා පිතිකරුවෙකු ලෙස සිය දායකත්වය ඉන්දීය කණ්ඩායමට ලබාදීමට නියමිතයි. මේ වන විට ඉන්දීය ටෙස්ට් කණ්ඩායමේ නායකත්වය දරණ විරාත් කෝලි එක්දින හා විස්සයි20 නායකයා වශයෙන් පත්වීමට වැඩි ඉඩක් තිබෙන බව ඉන්දීය වාර්තා උපුටා දක්වමින් විදෙස් මාධ්‍ය තොරතුරු වාර්තා කරනවා.

2007 වසරේදී ඉන්දීය කණ්ඩායමේ නායකයා ලෙස දෝනි පත්වූ අතර ඔහු 2011 එක්දින ලෝක කුසලානය, 2007 විස්සයි20 ලෝක කුසලානය හා 2013 ශූරයන්ගේ කුසලානය ඉන්දීයාවට හිමිකර දීමට කටයුතු කළා.‍

එක්දින තරග 199 කදී ඉන්දියාව මෙහෙයවා ඇති දෝනි ඉන් තරග 110ක්ද ජයගෙන ඇති අතර විස්සයි 20 තරග 72 දී ඉන්දියාවට ජයග්‍රහණ 41 ක් හිමිකර දී තිබෙනවා.

One thought on “දෝනි නායකත්වයෙන් සමුගනී

Leave a Reply

Your email address will not be published.